人生中反敗為勝的經驗？

明天，我會用愛麗絲的奇遇

串聯起7個不規則動詞。

原來想要逃避也是症狀

問：聽日講嘅故事，內容會講到

遇到失敗 >努力嘗試克服> 最後成功，

你會唔會有一些親身經歷都可以分享？

答：有呀，搵工、行山、識朋友都係，我諗緊邊樣會令佢有多啲共鳴

識朋友係指以前中一俾全班杯葛，

到中四都仲係人緣唔好，

但係我keep住改善自己，

最後中七有個中二曾經同過班嘅同學讚我

成個人唔同晒，脫胎換骨。

行山，其實都係習慣成自然，

體能好差，拖累全team進度，

就堅持自己每個月行一次，

練習好體能，下次就跟得上大隊。

搵工，好複雜，

兜兜轉轉返返嚟最鍾意嘅行業，

不過重點都係中途繼續秘密練兵，

唔放棄，唔鬆懈。

最後，都係關讀書事。

3年前我讀碩士，試過有一科要計數嘅，完全無興趣又無天份，但係偏偏係必修科嚟，畢業靠晒佢。

第一年，我太倚賴同學，抄佢哋功課，結果自己考試唔合格，畢唔到業……

要花多萬幾蚊，自己一個人重讀呢科(班同學個個都合格)。

今次做足準備，所有功課都自己嚟，成日去自修室溫書，一小息又主動衝出去問老師嘢，有小小唔明都堅持學到明為止，幾乎綁住【必勝】布條喺額頭度。

第二年終於合格，仲攞到C (自己以為最多得D)，好有成功感！

小屋創作